News : 10/04/2017 Dammam
ദമ്മാം : കാസറഗോഡ് ജില്ലയുടെ കിഴക്കൻ മലയോര മേഖലയായ കന്യാന, പഞ്ചിക്കല്ലിൽ വിജയകരമായ മൂന്ന് വർഷങ്ങൾ പിന്നിടുന്ന നൂതന വിദ്യാഭ്യാസ-ആതുര സേവന സംരംഭമായ റൗളത്തുൽ ഉലൂം എഡ്യൂക്കേഷനൽ ആൻഡ് ചാരിറ്റബിള് സെന്ററിന്റെ പ്രവർത്തനം കൂടുതൽ വിപുലമാക്കുന്നതിന്റെ ഭാഗമായി സൗദി അറേബ്യയിലെ ദമ്മാമിൽ സ്ഥാപനത്തിന്റെ അഭിവന്യ സാരഥി സയ്യിദ് പി. എസ്. ആറ്റക്കോയ അൽ ബാഹസൻ തങ്ങളുടെ മഹനീയ സാനിധ്യത്തിൽ റൗളത്തുൽ ഉലൂം ദമ്മാം കമ്മിറ്റി നിലവിൽ വന്നു. ദമ്മാം സഅദിയയിൽ നടന്ന രൂപീകരണ യോഗം സഅദിയ പ്രസിഡന്റ് കുഞ്ചാർ അബ്ബാസ് ഹാജിയുടെ അധ്യക്ഷതയിൽ യൂസുഫ് സഅദി അയ്യങ്കേരി ഉദ്ഘാടനം ചെയ്തു.
ഭാരവാഹികളായി മുഹമ്മദ് പുണ്ടൂർ (പ്രസിഡന്റ് ) അഹമ്മദ് സാബിത് ബദിയടുക്ക (ജനറൽ സെക്രട്ടറി) അബ്ദുൽ റഹ്മാൻ കറുവത്തടുക്ക (ട്രഷറർ) ലതീഫ് പള്ളത്തടുക്ക, മജീദ് സഖാഫി സീതാംഗോളി (വൈസ് പ്രസിഡന്റ് ) സാജിദ് കൊറ്റുമ്പ, സാലിം കോരിക്കാർ (ജോയിൻ സെക്രട്ടറി ) എന്നിവരെ തിരഞ്ഞെടുത്തു.
അബ്ബാസ് സഖാഫി കൊടിയമ്മ, മുബാറക് സഅദി വണ്ടൂർ, അബ്ബാസ് ഹാജി കുഞ്ചാർ, സിദ്ദീഖ് സഖാഫി ഉറുമി, ഹബീബ് സഖാഫി, അബ്ദുൽ ഖാദർ സഅദി കൊറ്റുമ്പ, മൊയ്ദീൻ ഹാജി കൊടിയമ്മ, മുനീർ ആലംപാടി, അനീസ് ബാളിയൂർ, ഹസൈനാർ ഹാജി തുടങ്ങിയവർ സംബന്ധിച്ചു.
ലത്തീഫ് പള്ളത്തടുക്ക സ്വാഗതവും സാബിത് ബദിയടുക്ക നന്ദിയും പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ