ബദിയടുക്ക : മുസ്ലിം ലോകം നേരിട്ട്‌ കൊണ്ടിരിക്കുന്നത്‌ പ്രതിസന്ധികളുടെ കാലമെന്ന് സലീം സഅദി മലപ്പുറം. റൗളത്തുൽ ഉലൂം മാസാന്ത സ്വലാത്ത്‌ മജ്ലി സിൽ മുഖ്യപ്രഭാഷണം നടത്തികൊണ്ട്‌ സംസാരിക്കുകയായിരുന്നു അദ്ദേഹം. മുസ്ലിംകൾക്ക്‌ നേരെയുള്ള അക്രമങ്ങളും യുദ്ധങ്ങളും കൊലപാതകങ്ങളും അധികരിച്ചുകൊണ്ടിരികുകയാണു. മുസ്ലിം രാഷ്ട്രങ്ങളിൽ സമാധാനം നഷ്ടപെടുന്നു.പഴയ കാലങ്ങളിലെ ആത്മീയതയിലേക്ക്‌ തിരിച്ചു വരാൻ നാം തയാറായാൽ നമുക്ക്‌ സമാധാനം വീണ്ടെടുക്കാൻ സാധിക്കുമെന്ന് അദ്ദേഹം ഉണർത്തി. ബഹുമാനിക്കാൻ നിർബന്ധമാക്കപ്പെട്ട കാര്യങ്ങളെ ബഹുമാനിക്കാൻ തയാറാകണമെന്ന് അദ്ദേഹം ആവശ്യപ്പെട്ടു.
സീതി കുഞ്ഞി മുസ്ലിയാരുടെ അധ്യക്ഷതയിൽ ഹനീഫ്‌ സഅദി ഉദ്ഘാടനം ചെയ്തു. സ്വലാത്ത്‌ മജ് ലിസിനും കൂട്ട്‌പ്രാർത്തനക്കും സയ്യിദ്‌ പി.എസ്‌. ആറ്റക്കോയ അൽ ബാ ഹസൻ തങ്ങൾ നേതൃത്വം നൽകി. അബ്ദുല്ല സുഹ്‌രി തുപ്പക്കൽ, ഹസൻ സഖാഫി മാൻഗലൂർ, അക്ബർ നെക്രാജെ, സീതി കുഞ്ഞി മുസ്‌ലിയാര്‍ കന്യാന, ഹമീദലി മാവിനക്കട്ട, കെ കെ അലി ഹാജി കന്യാന, ടി.കെ.റഷീദ്, ഹമീദ് ഹാജി തുടങ്ങിയവർ സംബന്ധിച്ചു.
എ.കെ സഖാഫി കന്യാന സ്വാഗതവും മുഹമ്മദലി മാസ്റ്റർ നന്ദിയും പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ