ദമ്മാം : റൗളത്തുൽ ഉലൂം എടുക്കേഷനൽ ആൻഡ്‌ ചാരിറ്റബിൾ സെന്റർ ദമ്മാം കമ്മിറ്റിയുടെ ആഭിമുഖ്യത്തിൽ ഏപ്രിൽ 23ന് വിശുദ്ദ മിഹ്രാജ് രാവിൽ ദമ്മാം സഅദിയ മജ്ലിസിൽ ആത്മീയ സംഗമം സംഘടിപ്പിക്കും. രാത്രി 9:30ന് ആരംഭിക്കുന്ന പരിപാടിയിൽ എസ്. വൈ. എസ്. കാസറഗോഡ് ജില്ലാ പ്രസിഡന്റും റൗളത്തുൽ ഉലൂം സാരഥിയുമായ സയ്യിദ് പി.എസ് ആറ്റക്കോയ അൽ ബാഹസൻ പഞ്ചിക്കൽ മിഹ്രാജ് സന്ദേശ പ്രഭാഷണവും കൂട്ട് പ്രാർഥനയും നടത്തും. ഐ.സി.എഫ്, ആർ.എസ്.സി, കെ.സി.എഫ് തുടങ്ങിയ സംഘടനാ നേതാക്കളും, സഅദിയ, മുഹിമ്മാത്ത്, മജ്മഹ്, അൽ മഖർ, മർകസ്, സിറാജുൽ ഹുദാ തുടങ്ങിയ സ്ഥാപന കമ്മിറ്റി ഭാരവാഹികളും പരിപാടിയിൽ സംബന്ധിക്കും. തുടർന്ന് ' സാന്ത്വനം കാസറഗോഡ്' പ്രത്യേക യോഗവും, പദ്ധതി പ്രഖ്യാപനവും നടക്കും.
മുഹമ്മദ്‌ പുണ്ടൂറിന്റെ അധ്യക്ഷതയിൽ ചേർന്ന ഭാരവാഹി യോഗം യൂസുഫ് സഅദി അയ്യങ്കേരി ഉദ്ഘാടനം ചെയ്തു, സ്ഥാപന സാരഥി സയ്യിദ് പി.എസ് ആറ്റക്കോയ അൽ ബാഹസൻ തങ്ങൾ വിഷയാവതരണം നടത്തി. സിദ്ദീഖ് സഖാഫി ഉറുമി, സലീം ഓലപ്പീടിക, അബ്ബാസ്‌ ഹാജി കുഞ്ചാർ, ലത്തീഫ് പള്ളത്തടുക്ക, നാസർ ദേലംപാടി, മജീദ്‌ സഖാഫി, അനീസ്‌ ബാളിയൂർ, സാബിത്ത് അടൂർ തുടങ്ങിയവർ സംസാരിച്ചു. സാബിത് ബദിയടുക്ക സ്വാഗതവും, സാജിദ് കൊറ്റുമ്പ നന്ദിയും പറഞ്ഞു.
